Internal Applicants Only - Placements Administrator bei Cardiff University
Cardiff University · Cardiff, Vereinigtes Königreich · Hybrid
- Professional
- Optionales Büro in Cardiff
Hysbyseb
Mae'r swydd hon ar agor i weithwyr Prifysgol Caerdydd yn unig ar hyn o bryd. Peidiwch ymgeisio os nad oes ganddoch gytundeb cyflogaeth ddilys gyda’r brifysgol.
Ymgeiswyr Mewnol yn Unig - Gweinyddwr Lleoliadau Gwaith
Mae Dyfodol Myfyrwyr, sy'n rhan o is-adran Bywyd Myfyrwyr Prifysgol Caerdydd, yn adran brysur sy'n gweithio gyda chydweithwyr, myfyrwyr a chyflogwyr i gynnig gwasanaeth sy’n gwella cyflogadwyedd myfyrwyr a’r hyn y maen nhw’n ei gyflawni ar ôl graddio.
Byddwch yn gweithio i’r Tîm Dyfodol Myfyrwyr yn Ysgol Busnes Caerdydd ac yn canolbwyntio ar gefnogi’r Tîm Lleoliadau Gwaith i sicrhau bod myfyrwyr yn gallu ymgymryd â lleoliadau gwaith a phrosiectau perthnasol o safon uchel wrth astudio gyda ni. Byddwch yn gweithio’n rhan o dîm bach, gan gyflawni ystod o dasgau gweinyddol sy'n cyfrannu at y gwaith o hyrwyddo, trefnu a chynnig cyfleoedd i ymgymryd â lleoliadau gwaith a phrosiectau yn yr Ysgol. Byddwch yn cael cyfleoedd i hyrwyddo a chefnogi profiad gwaith, a bydd gofyn i chi ddefnyddio systemau rheoli gwybodaeth i gasglu data a chadw golwg ar gynnydd.
Mae’n gyfnod cyffrous iawn i ymuno â Dyfodol Myfyrwyr, wrth i'r galw am gyfleoedd i ymgymryd â lleoliadau gwaith a phrosiectau yn yr Ysgol Busnes gynyddu. Yn ogystal â chael gweithio gyda thîm profiadol sydd ag enw da, byddwch yn cael digon o gymorth wrth fwynhau ymreolaeth i reoli eich llwyth gwaith, gwella ein darpariaeth a bod yn arloesol yn y gwaith.
Mae’r swydd hon yn eich galluogi i weithio’n hyblyg – bydd cyfleoedd i weithio gartref ac yn y swyddfa, ond efallai y bydd disgwyl i chi ddod i’r swyddfa’n amlach yn ystod cyfnodau prysur. O bryd i'w gilydd, efallai y bydd gofyn i chi weithio gyda'r nos ac ar benwythnosau.
Os hoffech chi gael trafodaeth anffurfiol i gael gwybod rhagor am y swydd hon, cysylltwch ag Alex Hicks (Rheolwr Lleoliadau Gwaith) drwy e-bostio [email protected].
Cyflog: £25,249 - £26,093 y flwyddyn (Gradd 3)
Swydd barhaol a llawnamser yw hon (35 awr yr wythnos).
Bydd yr ymgeisydd llwyddiannus yn dechrau ar 1 Ionawr 2026.
Mae Prifysgol Caerdydd yn cynnig llawer o fuddion rhagorol, gan gynnwys 32 diwrnod o wyliau blynyddol (yn ogystal â gwyliau banc), cynllun pensiwn lleol, gweithio cyfunol (sy'n golygu y byddwch yn gallu gweithio gartref am beth o'ch amser), cynllun beicio i'r gwaith a mentrau teithio eraill, cynyddiadau blynyddol i fyny’r raddfa gyflog, a mwy. Mae'n lle cyffrous a bywiog i weithio ynddo, gyda llawer o heriau gwahanol ac mae'n gefnogwr Cyflog Byw balch.
Dyddiad cau: Dydd Mawrth, 30 Medi 2025
Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gallwn wneud hyn drwy ddenu, datblygu a chadw ystod amrywiol o staff o wahanol gefndiroedd sydd am greu Prifysgol sy'n ceisio cyflawni ein rhwymedigaeth gymdeithasol, ddiwylliannol ac economaidd i Gaerdydd, Cymru, a'r byd. Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
Ymgeiswyr Mewnol yn Unig - Gweinyddwr Lleoliadau Gwaith
Mae Dyfodol Myfyrwyr, sy'n rhan o is-adran Bywyd Myfyrwyr Prifysgol Caerdydd, yn adran brysur sy'n gweithio gyda chydweithwyr, myfyrwyr a chyflogwyr i gynnig gwasanaeth sy’n gwella cyflogadwyedd myfyrwyr a’r hyn y maen nhw’n ei gyflawni ar ôl graddio.
Byddwch yn gweithio i’r Tîm Dyfodol Myfyrwyr yn Ysgol Busnes Caerdydd ac yn canolbwyntio ar gefnogi’r Tîm Lleoliadau Gwaith i sicrhau bod myfyrwyr yn gallu ymgymryd â lleoliadau gwaith a phrosiectau perthnasol o safon uchel wrth astudio gyda ni. Byddwch yn gweithio’n rhan o dîm bach, gan gyflawni ystod o dasgau gweinyddol sy'n cyfrannu at y gwaith o hyrwyddo, trefnu a chynnig cyfleoedd i ymgymryd â lleoliadau gwaith a phrosiectau yn yr Ysgol. Byddwch yn cael cyfleoedd i hyrwyddo a chefnogi profiad gwaith, a bydd gofyn i chi ddefnyddio systemau rheoli gwybodaeth i gasglu data a chadw golwg ar gynnydd.
Mae’n gyfnod cyffrous iawn i ymuno â Dyfodol Myfyrwyr, wrth i'r galw am gyfleoedd i ymgymryd â lleoliadau gwaith a phrosiectau yn yr Ysgol Busnes gynyddu. Yn ogystal â chael gweithio gyda thîm profiadol sydd ag enw da, byddwch yn cael digon o gymorth wrth fwynhau ymreolaeth i reoli eich llwyth gwaith, gwella ein darpariaeth a bod yn arloesol yn y gwaith.
Mae’r swydd hon yn eich galluogi i weithio’n hyblyg – bydd cyfleoedd i weithio gartref ac yn y swyddfa, ond efallai y bydd disgwyl i chi ddod i’r swyddfa’n amlach yn ystod cyfnodau prysur. O bryd i'w gilydd, efallai y bydd gofyn i chi weithio gyda'r nos ac ar benwythnosau.
Os hoffech chi gael trafodaeth anffurfiol i gael gwybod rhagor am y swydd hon, cysylltwch ag Alex Hicks (Rheolwr Lleoliadau Gwaith) drwy e-bostio [email protected].
Cyflog: £25,249 - £26,093 y flwyddyn (Gradd 3)
Swydd barhaol a llawnamser yw hon (35 awr yr wythnos).
Bydd yr ymgeisydd llwyddiannus yn dechrau ar 1 Ionawr 2026.
Mae Prifysgol Caerdydd yn cynnig llawer o fuddion rhagorol, gan gynnwys 32 diwrnod o wyliau blynyddol (yn ogystal â gwyliau banc), cynllun pensiwn lleol, gweithio cyfunol (sy'n golygu y byddwch yn gallu gweithio gartref am beth o'ch amser), cynllun beicio i'r gwaith a mentrau teithio eraill, cynyddiadau blynyddol i fyny’r raddfa gyflog, a mwy. Mae'n lle cyffrous a bywiog i weithio ynddo, gyda llawer o heriau gwahanol ac mae'n gefnogwr Cyflog Byw balch.
Dyddiad cau: Dydd Mawrth, 30 Medi 2025
Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gallwn wneud hyn drwy ddenu, datblygu a chadw ystod amrywiol o staff o wahanol gefndiroedd sydd am greu Prifysgol sy'n ceisio cyflawni ein rhwymedigaeth gymdeithasol, ddiwylliannol ac economaidd i Gaerdydd, Cymru, a'r byd. Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
Disgrifiad Swydd
Prif Ddyletswyddau
- Ymdrin ag amrywiaeth o ymholiadau gan gwsmeriaid mewnol ac allanol mewn ffordd broffesiynol, gan gynnwys cyfarfod a chyfarch ag ymwelwyr ac ymdrin ag ymholiadau cyffredinol drwy e-bost
- Gweithio ar y cyd ac yn rhagweithiol gyda'r Rheolwr Lleoliadau Gwaith a'r Swyddogion Lleoliadau Gwaith, gan eu helpu i gyflawni amrywiaeth o dasgau gweinyddol, gan gynnwys mynd i gyfarfodydd tîm
- Cefnogi’r gwaith o farchnata lleoliadau gwaith ar y cyfryngau cymdeithasol, ar hysbysfyrddau swyddi a thrwy negeseuon e-bost, gan gynnwys mynd i ddigwyddiadau sy'n ymwneud â lleoliadau gwaith
- Gwneud yn siŵr bod lleoliadau gwaith a phrosiectau’n cael eu rheoli’n briodol, gan gofnodi gweithgarwch ar systemau rheoli gwybodaeth perthnasol a dadansoddi data i nodi tueddiadau a phatrymau
- Cydweithio ag eraill i argymell ffyrdd o ddatblygu prosesau a gweithdrefnau sefydledig
- Meithrin perthynas waith ag enwau cyswllt allweddol i helpu i wella’r gwasanaeth
- Llunio dogfennau, gan sicrhau bod llyfrynnau a deunyddiau eraill ar gael ar gyfer gweithdai a digwyddiadau a goruchwylio unrhyw drefniadau logistaidd lle bo angen
- Bod yn gyfrifol am fonitro ac ymateb i e-byst ym mewnflwch y Tîm Lleoliadau Gwaith a’u huwchgyfeirio at y tîm lle bo angen
- Lanlwytho manylion lleoliadau gwaith a phrosiectau i TargetConnect a helpu’r tîm i’w monitro
- Helpu i ddiweddaru'r fewnrwyd a Dysgu Canolog pan fo angen
- Rhoi cymorth i gyflawni dyletswyddau cyffredinol ym maes cyllid, gan gynnwys creu archebion prynu a thalu hyrwyddwyr lleoliadau gwaith
- Cefnogi a mynd i Ddiwrnodau Agored a Ffeiriau Gyrfaoedd y Brifysgol pan fo angen
- Helpu’r Tîm Dyfodol Myfyrwyr ehangach i gyflawni tasgau gweinyddol ad-hoc yn ystod cyfnodau prysur
- Defnyddio eich dealltwriaeth o bwysigrwydd cyfrinachedd wrth gyflawni eich holl ddyletswyddau
- Dilyn polisïau’r Brifysgol ar Iechyd a Diogelwch a Chydraddoldeb ac Amrywiaeth
- Cyflawni dyletswyddau eraill o bryd i’w gilydd nad ydynt wedi'u nodi uchod ond sy'n cyd-fynd â gofynion y swydd
Uchafswm y Cyflog
26,093
Gradd
Gradd 3
Isafswm y Cyflog
25,249
Categori Swyddi
Addysgu, Technegol, Gweinyddol / Clerigol
Llwybr Gyrfa
Cymorth Gweinyddol
Manyleb Unigolyn
Nodyn pwysig:
Mae'n bolisi gan y Brifysgol i ddefnyddio manyleb yr unigolyn fel adnodd allweddol wrth ddethol pobl ar gyfer y rhestr fer. Dylai ymgeiswyr ddangos tystiolaeth eu bod yn bodloni'r HOLL feini prawf hanfodol, yn ogystal â'r meini prawf dymunol, lle bo'n berthnasol.
Meini Prawf Hanfodol
Cymwysterau ac Addysg
Mae'n bolisi gan y Brifysgol i ddefnyddio manyleb yr unigolyn fel adnodd allweddol wrth ddethol pobl ar gyfer y rhestr fer. Dylai ymgeiswyr ddangos tystiolaeth eu bod yn bodloni'r HOLL feini prawf hanfodol, yn ogystal â'r meini prawf dymunol, lle bo'n berthnasol.
- Fel rhan o’ch cais, gofynnir i chi roi'r dystiolaeth hon mewn datganiad i ategu'r cais.
- Gwnewch yn siŵr bod eich tystiolaeth yn cyfateb i'r meini prawf isod sydd wedi' rhifo.
- Ystyrir eich cais ar sail y wybodaeth y byddwch yn ei rhoi o dan bob elfen.
Meini Prawf Hanfodol
Cymwysterau ac Addysg
- NVQ Lefel 2/cymwysterau TGAU (graddau A-C), neu gymwysterau cyfatebol
- Profiad o weithio mewn gweithle gweinyddol neu swyddfa
- Y gallu i ddefnyddio pecynnau TG a ddefnyddir yn aml mewn swyddfeydd (e.e. Microsoft Office)
- Y gallu i sefydlu a chynnal systemau a gweithdrefnau gweinyddol safonol
- Y gallu i gyfathrebu'n effeithiol ac yn broffesiynol ag ystod eang o bobl
- Y gallu i fod yn aelod effeithiol o dîm, gan roi cyngor a chyfarwyddyd i aelodau eraill y tîm pan fo angen
- Gallu diamheuol i ymdrin â cheisiadau a uwchgyfeiriwyd am wybodaeth neu wasanaeth, gan ddatrys problemau cwsmeriaid lle bo'n briodol
- Y gallu i gynllunio, blaenoriaethu a threfnu eich llwyth gwaith eich hun o fewn amserlenni y cytunwyd arnynt
- Y gallu i gymryd y cam cyntaf wrth ddatrys problemau ac ymateb i ymholiadau er mwyn cydymffurfio â gweithdrefnau ac arferion safonol
- Parodrwydd i hyfforddi a datblygu ymhellach
- Cymwysterau Safon Uwch, neu gymwysterau cyfatebol
- Profiad o weithio ym maes addysg uwch
- Rhuglder yn y Gymraeg, yn ysgrifenedig ac ar lafar
