Teaching Associate in Biogeochemistry at Cardiff University

Cydymaith Addysgu mewn Biogeocemeg

Mae Ysgol Gwyddorau’r Ddaear a'r Amgylchedd ym Mhrifysgol Caerdydd yn ganolfan amlddisgyblaethol ddeinamig a llwyddiannus sy’n canolbwyntio ar ymchwil a dysgu yn nisgyblaethau daearyddiaeth a gwyddorau’r ddaear.

Gwahoddir ceisiadau am swydd tymor penodol Cydymaith Addysgu mewn Biogeocemeg i gyflenwi yn ystod absenoldeb ymchwil aelod o staff.  Bydd yn ofynnol i’r ymgeisydd llwyddiannus addysgu ar lefel MSc ac israddedig.  Byddwch yn cyfrannu at y modiwlau Deall y Blaned Fyw, a Biogeocemeg a Gwyddor Ecosystemau.  Rydym yn annog ymgeiswyr a all addysgu ac ysbrydoli dysgu sy'n cwmpasu prosesau cemegol sylfaenol, cylchoedd geocemegol a microbioleg.  Yn ogystal, byddai disgwyl i chi gyfrannu at gyrsiau maes preswyl, teithiau diwrnod maes lleol, seminarau, gwaith tîm a goruchwylio gwaith prosiect ym maes biogeocemeg.

Swydd amser llawn (35 awr yr wythnos) yw hon, ac mae ar gael o 1 Rhagfyr 2025 ac am dymor penodol o 6 mis.

Cyflog: £33,482 i £36,130 y flwyddyn (Gradd 5)

Ar gyfer ymholiadau anffurfiol, cysylltwch â’r Athro Andrew C Kerr, Cyfarwyddwr Dysgu ac Addysgu, Ebost:[email protected]
 
I gael rhagor o fanylion am weithio ym Mhrifysgol Caerdydd, cysylltwch â Claudia Peña drwy ebostio: [email protected] 
 
Gwybodaeth am Ysgol Gwyddorau'r Ddaear a’r Amgylchedd: Ysgol Gwyddorau’r Ddaear a’r Amgylchedd - Prifysgol Caerdydd

Nodiadau Pwysig:

Dim ond trwy'r system ar-lein y derbynnir ceisiadau.

Polisi’r Brifysgol yw defnyddio manyleb yr unigolyn yn adnodd allweddol wrth ddethol pobl ar gyfer y rhestr fer. Dylai ymgeiswyr ddangos tystiolaeth eu bod yn bodloni POB UN o’r meini prawf hanfodol, yn ogystal â’r rhai dymunol pan fo hynny’n berthnasol. Yn rhan o’ch cais, gofynnir i chi roi'r dystiolaeth hon mewn datganiad ategol.  Gofalwch fod y dystiolaeth yr ydych yn ei rhoi’n cyfateb i'r meini prawf isod sydd wedi'u rhifo. Ystyrir eich cais ar sail y wybodaeth a roddwch o dan bob elfen.

Wrth atodi’r datganiad ategol i’ch cais, sicrhewch mai cyfeirnod y swydd wag yw enw’r ddogfen.

Dyddiad cau: Dydd Iau, 18 Medi 2025

Hysbysebwyd y swydd hon i weithwyr Prifysgol Caerdydd yn unig yn flaenorol.  Rydym nawr yn gwahodd ceisiadau allanol.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn y gellir gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol sydd â’r uchelgais i greu prifysgol sy’n ceisio cyflawni ei rhwymedigaethau cymdeithasol, diwylliannol ac economaidd i Gaerdydd, Cymru a’r byd. Wrth gefnogi ein gweithwyr i gael y cydbwysedd rhwng byd y gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Paratoi a chyflwyno modiwlau cyfan neu rannau o fodiwlau, gan gynnwys cyfrannu at y gwaith o asesu myfyrwyr.  Cyflwyno darlithoedd yn ôl y gofyn (cynnwys parod).  Cynnal seminarau, tiwtorialau a gwaith grŵp.  Goruchwylio prosiectau gan fyfyrwyr a chyflawni dyletswyddau gweinyddol sy'n gysylltiedig ag addysgu.  Mae cyfraniadau addysgu’n digwydd yn unol â fframwaith rhaglen y cytunir arni, ac fel arfer bydd aelod o’r staff academaidd yn goruchwylio’r rhain

Prif Ddyletswyddau

• Cyflwyno addysgu yn yr ystafell ddosbarth ac yn y maes.  Mae hyn yn cynnwys paratoi deunydd addysgu, cyfleu’r pwnc ac annog deialog feirniadol i ddatblygu sgiliau meddwl yn rhesymegol; arsylwi ac ymateb i ymyriadau myfyrwyr; ateb cwestiynau y tu allan i amser dosbarth; ac ymateb i ddigwyddiadau annisgwyl wrth gyflwyno'r cwrs.
• Cynnal asesiadau a bennwyd ymlaen llaw ar gyfer cyrsiau, gan gynnwys marcio a rhoi adborth ysgrifenedig/ar lafar; a chasglu a darparu asesiadau terfynol y myfyrwyr.
• Goruchwylio myfyrwyr prosiect israddedig ac, o bosibl, myfyrwyr MA.
• Cymryd rhan flaenllaw fel aelod o dîm addysgu.
• Gwerthuso cyrsiau, gan gynnwys hwyluso adborth gan fyfyrwyr; pwyso a mesur eich dulliau addysgu eich hun; a rhoi syniadau ar waith i wella eich perfformiad.
• Cyflawni dyletswyddau gweinyddol, megis cadw cofnod o bresenoldeb, mynd i gyfarfodydd a llunio adroddiadau.
• Ymgymryd â gwaith addysgu a’r gwaith gweinyddol yn ôl yr hyn sy’n cael ei ddyrannu gan Bennaeth yr Ysgol a phwyllgorau amrywiol. Mae'r gwaith hwn yn rhan o raglen glir a chadarn, a cheir cymorth a chefnogaeth.
• Cynllunio a blaenoriaethu eich gwaith dyddiol eich hun a blaengynllunio ar gyfer peth addysgu.
• Ymateb i’r ceisiadau sy’n codi yn ôl y galw, megis y rheini sy'n ymwneud ag addysgu, goruchwylio myfyrwyr a thasgau gweinyddol.

Dyletswyddau Cyffredinol

• Unrhyw ddyletswyddau eraill sydd heb eu henwi, ond sy’n cyd-fynd â’r rôl.

36,130

Gradd 5

33,482

Academaidd- Addysgu ac Ysgolheictod

Addysgu ac Ysgolheictod