Internal Applicants Only - Lecturer in Professional Law bei Cardiff University

Mae'r swydd hon ar agor i weithwyr Prifysgol Caerdydd yn unig ar hyn o bryd.  Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Ymgeiswyr Mewnol yn Unig - Darlithydd Cyfraith Broffesiynol (Addysgu ac Ysgolheictod) 
Astudiaethau Cyfreithiol Proffesiynol Caerdydd
Ysgol y Gyfraith a Gwleidyddiaeth

Astudiaethau Cyfreithiol Proffesiynol Caerdydd yw’r adran yn Ysgol y Gyfraith a Gwleidyddiaeth sy’n cynnig y cwrs Diploma Graddedig yn y Gyfraith, y Cwrs Ymarfer Cyfreithwyr a Chwrs Hyfforddiant y Bar ar hyn o bryd – llwybrau ôl-raddedig i gymhwyster proffesiynol ar gyfer bargyfreithwyr a chyfreithwyr. Prifysgol Caerdydd yw'r unig brifysgol yng Ngrŵp Russell sy’n cynnig y cyrsiau hyn i gyd. Mae’r adran hefyd yn asesu cyfreithwyr ar ddyletswydd, cynrychiolwyr yng ngorsafoedd yr heddlu a thystion arbenigol yn genedlaethol. Mae’r cyrsiau, sy’n cael eu cyflwyno gan staff â’r cymwysterau angenrheidiol, wedi ennill eu plwyf ac yn uchel eu parch yn y proffesiwn, ac mae adborth myfyrwyr ar y cyrsiau bob amser yn rhagorol.

Mae'r Ysgol yn chwilio am ddarlithydd â chymwysterau priodol sy’n gallu cyfrannu at y gwaith o gyflwyno ei holl raglenni ond sy'n canolbwyntio ar gyrsiau’r adran.  Mae'r gallu i addysgu un neu fwy o bynciau galwedigaethol yn rhan o Gwrs Hyfforddiant y Bar a’r Cwrs Ymarfer Cyfreithwyr yn hanfodol.

Swydd ran-amser (0.4 CALl, 14 awr yr wythnos) am gyfnod penodol o 12 mis ac mae ar gael ar unwaith.

Cyflog:  £51,753 hyd at £56,535 y flwyddyn, pro rata yn ôl nifer yr oriau sy’n cael eu gweithio (Gradd 7)
Mae unigolion fel arfer yn dechrau ar waelod y raddfa gyflog, heblaw mewn amgylchiadau eithriadol.

Anfonwch unrhyw gwestiynau ynghylch y swydd hon at Jetsun Lebasci, Pennaeth Astudiaethau Cyfreithiol Proffesiynol Caerdydd, drwy e-bostio [email protected].   
 
Gwefan: https://www.cardiff.ac.uk/cy/law-politics 

PRIF SWYDDOGAETH
Bydd deiliad y swydd yn ymgymryd â llwyth addysgu llawn, gan gynnwys datblygu, cyflwyno, asesu a gwerthuso’r Cwrs Ymarfer Cyfreithwyr (LLM), Cwrs Hyfforddiant y Bar (LLM) neu’r cwrs Diploma Graddedig yn y Gyfraith (GDL) ac unrhyw gyrsiau olynol.  Gall fod angen i ddeiliad y swydd hefyd gefnogi rhaglenni datblygu proffesiynol eraill y mae’r adran yn eu cyflwyno ar gyfer y proffesiwn a chyfrannu at weithgareddau eraill Ysgol y Gyfraith a Gwleidyddiaeth, megis addysgu modiwlau addysg gyfreithiol glinigol a modiwlau sy’n rhan o raglenni eraill yr Ysgol.

Addysgu 

• Cynllunio a chyflwyno rhaglenni addysgu a chyfrannu at y gwaith o ddatblygu modiwlau, a hynny’n rhan o dîm y modiwl neu’n arweinydd ar gyfer y modiwl 
• Cyfrannu’n annibynnol at y gwaith o ddatblygu modiwlau a’r cwricwlwm, gan gynnwys arwain modiwlau 
• Ysbrydoli myfyrwyr a datblygu sgiliau asesu a rhoi adborth adeiladol 
• Goruchwylio gwaith myfyrwyr, gan gynnwys goruchwylio myfyrwyr meistr 
• Rheoli prosiectau sy’n ymwneud â’ch maes gwaith eich hun a chyfrannu at y gwaith o drefnu gweithgareddau allanol, megis lleoliadau gwaith, cystadlaethau, gweithgareddau allgyrsiol a digwyddiadau marchnata 
• Rhoi gofal bugeiliol drwy fod yn diwtor personol a rhoi cymorth ac arweiniad i fyfyrwyr, gan feithrin ymddiriedaeth 
• Gwneud gwaith sy’n gysylltiedig ag arholiadau (gosod a marcio papurau a rhoi adborth adeiladol i fyfyrwyr), gweinyddiaeth a gwaith pwyllgor 

Ysgolheictod 

• Cyfrannu at ysgolheictod yn y maes gwaith drwy gymryd rhan mewn cynadleddau, seminarau a fforymau academaidd a phroffesiynol eraill i rannu deilliannau ysgolheictod unigol 
• Cymryd rhan mewn gweithgarwch ysgolheigaidd drwy ysgrifennu erthyglau ar gyfer cyfnodolion a/neu sicrhau allbwn sy’n ehangu gwybodaeth yn y maes gwaith 
• Cyfrannu at ysgolheictod drwy waith rhyngddisgyblaethol gydag unigolion a thimau yng nghymuned ehangach y Brifysgol a thu hwnt iddi 

Arall 

• Ymgysylltu’n effeithiol â chyrff diwydiannol, masnachol a chyhoeddus, sefydliadau proffesiynol, sefydliadau academaidd eraill ac ati, yn rhanbarthol ac yn genedlaethol er mwyn codi proffil yr Ysgol, meithrin cynghreiriau strategol werthfawr a chwilio am gyfleoedd i gydweithio ar weithgareddau amrywiol – bydd disgwyl i'r gweithgareddau hyn gyfrannu at waith yr Ysgol a gwella ei phroffil rhanbarthol a chenedlaethol 
• Cymryd rhan yng ngweinyddiaeth yr Ysgol a gweithgareddau (e.e. diwrnodau agored, darlithoedd cyhoeddus a digwyddiadau eraill) i hyrwyddo’r Ysgol a’i gwaith i’r Brifysgol ehangach a’r byd y tu allan, gan gynnwys cyfrannu at ymgyngoriadau cyhoeddus, rhoi cyngor ar bolisi ac ati 
• Datblygu’n bersonol ac yn broffesiynol mewn modd addas a fydd yn gwella eich perfformiad yn ddarlithydd 
• Cydymffurfio a sicrhau cydymffurfiaeth â gofynion cyfreithiol a rheoliadol sy’n ymwneud â chydraddoldeb ac amrywiaeth, diogelu data, hawlfraint a thrwyddedu, diogelwch a materion ariannol, gan gynnwys polisïau, gweithdrefnau a chodau eraill y Brifysgol fel y bo’n briodol 
• Cymryd gofal rhesymol am eich iechyd a’ch diogelwch eich hun, gan gynnwys iechyd a diogelwch pobl eraill y gall yr hyn y byddwch yn ei wneud neu’n methu â’i wneud yn y gwaith effeithio arnynt, yn unol â Deddf Iechyd a Diogelwch yn y Gwaith etc 1974, cyfarwyddebau'r UE a pholisïau a gweithdrefnau’r Brifysgol ar ddiogelwch a’r amgylchedd, yn ogystal â chydweithio â'r Brifysgol, sef y cyflogwr, i gyflawni unrhyw ddyletswyddau cyfreithiol sydd ganddi 
• Cyflawni unrhyw ddyletswyddau eraill nad ydynt wedi’u nodi uchod ond sy'n cyd-fynd â gofynion y swydd 

56,535

Gradd 7

51,753

Academaidd- Addysgu ac Ysgolheictod

Addysgu ac Ysgolheictod

NODYN PWYSIG I YMGEISWYR: 
Polisi'r Brifysgol yw defnyddio manyleb yr unigolyn yn adnodd allweddol i lunio’r rhestr fer, a dim ond yr ymgeiswyr hynny sy'n dangos yn glir eu bod yn bodloni (neu'n rhannol fodloni) pob un o'r meini prawf hanfodol a gaiff eu gwahodd i gyfweliad. Yn ystod y broses ymgeisio, gofynnir i chi atodi datganiad ategol. Mae’n rhaid i'r datganiad hwn amlinellu sut rydych yn bodloni'r meini prawf isod. Rydym yn argymell ei fformatio drwy ddefnyddio pob maen prawf yn is-bennawd a nodi eich profiad/tystiolaeth berthnasol o dan bob is-bennawd. Mae'n hanfodol eich bod yn nodi rhif y swydd wag (e.e. 1234BR) yn rhan o enw’r ddogfen wrth gadw eich datganiad ategol. Gallai peidio â gwneud hynny olygu y bydd yn cael ei hepgor o'ch cais. 

Meini Prawf Hanfodol 

Cymwysterau ac Addysg

1. Cymwysterau bargyfreithiwr, cyfreithiwr neu swyddog gweithredol cyfreithiol 

Gwybodaeth, Sgiliau a Phrofiad 

2.       Y gallu i gynllunio, cyflwyno a datblygu’n barhaus y modiwlau sy’n berthnasol i gyrsiau galwedigaethol megis y Cwrs Ymarfer Cyfreithwyr, Cwrs Hyfforddiant y Bar, y cwrs Diploma Graddedig yn y Gyfraith neu unrhyw gyrsiau olynol  
3.       Y gallu i gynllunio, cyflwyno a datblygu’n barhaus fodiwlau sgiliau cyfreithiol, gan gynnwys y meini prawf asesu ar gyfer rhaglenni addysgu’r adran 
4.       Y gallu i ddangos profiad o ymarfer cyfreithiol a gwybodaeth arbenigol, gan gynnwys profiad a gwybodaeth gyfoes yn y maes pwnc 

Sgiliau Bugeiliol, Cyfathrebu a Gweithio’n Rhan o Dîm 

5.       Sgiliau cyfathrebu rhagorol (yn ysgrifenedig ac ar lafar) a’r gallu i gyflwyno syniadau cymhleth yn eglur ac yn hyderus i eraill gan ddefnyddio amrywiaeth o gyfryngau 
6.      Y gallu i roi cymorth bugeiliol priodol i fyfyrwyr, gwerthfawrogi anghenion ac amgylchiadau myfyrwyr unigol a bod yn diwtor personol iddynt 
7.      Y gallu i fod yn arweinydd modiwl, cydlynu ag eraill a bod yn rhan o nifer o dimau er mwyn sicrhau bod anghenion myfyrwyr yn cael eu diwallu a bod eu disgwyliadau’n cael eu bodloni 

Arall

8.     Y gallu i ymgymryd â gwaith gweinyddol academaidd    
9.     Gallu profedig i arloesi a gweithio heb oruchwyliaeth fanwl 


Meini Prawf Dymunol 

1. Tystysgrif Ôl-raddedig Dysgu ac Addysgu yn y Brifysgol, neu gymhwyster neu brofiad cyfatebol 
2. Tystiolaeth o’r gallu i gyfrannu at rwydweithiau mewnol ac allanol, eu datblygu a’u defnyddio i wella gweithgareddau addysgu ac ymchwil yr Ysgol, gan gynnwys tystiolaeth o gydweithio â byd ymarfer/diwydiant 
3. Y gallu i gyfathrebu ac addysgu drwy gyfrwng y Gymraeg