Internal Applicants Only - Building Support Team Leader bei Cardiff University

Mae'r swydd hon ar agor i weithwyr Prifysgol Caerdydd yn unig ar hyn o bryd.  Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Ymgeiswyr Mewnol yn Unig - Arweinydd y Tîm Cymorth Adeiladau

Mae Prifysgol Caerdydd yn brifysgol uchelgeisiol ac arloesol a chanddi weledigaeth feiddgar a strategol mewn prifddinas brydferth a ffyniannus. Yn ddiweddar rydym wedi cwblhau ein gwaith uwchraddio mwyaf sylweddol ar y campws ers cenhedlaeth - buddsoddiad o £600m yn ein dyfodol, ac rydyn ni’n parhau i ddatblygu a gwella ein campws, ein cyfleusterau a’n gwasanaethau.

Mae gan Arweinydd y Tîm Cymorth Adeiladau rôl bwysig yn y gwaith o gynnig gwell Gwasanaeth Cymorth Adeiladau, sy'n canolbwyntio ar y cwsmer, ar gyfer parth diffiniedig o adeiladau'r Brifysgol.

Gan adrodd i'r Rheolwr Cymorth Adeiladau, bydd yr ymgeisydd llwyddiannus yn unigolyn brwdfrydig a chanddynt sgiliau rhyngbersonol rhagorol a phrofiad o oruchwylio tîm a dirprwyo gwaith er mwyn darparu gwasanaethau gweithredol sy'n canolbwyntio ar y cwsmer, yn llwyddiannus, i ystod eang o gwsmeriaid.

Mae’n angenrheidiol i'r ymgeisydd llwyddiannus hefyd fod â phrofiad o ymgymryd â dyletswyddau sy'n ymwneud â Chyfleusterau/Cymorth gweithredol o ran Adeiladau (er enghraifft, dyletswyddau a restrir yn y swydd-ddisgrifiad) ac mae angen iddynt hefyd fod yn chwilio am her newydd gyffrous o ran bwrw ymlaen ag agenda feiddgar y brifysgol.

Mae hon yn swydd amser llawn a phenagored.

Cyflog: £28,031 - £31,236 y flwyddyn (Gradd 4) 

PWYSIG:  Mae Manyleb yr Unigolyn wedi’i rhannu’n 2 adran: hanfodol a dymunol.  Dangoswch yn glir sut rydych yn bodloni’r holl feini prawf hanfodol.  Lle bo modd, dylech roi enghreifftiau o sut, pryd a lle rydych wedi defnyddio’r profiad, y wybodaeth, y sgiliau penodol a’r gallu sydd gennych ac sydd eu hangen ar gyfer y swydd benodol hon.

Gofalwch eich bod yn cyfleu hyn yn llawn drwy ddatblygu datganiad i gefnogi eich cais, gan restru’r HOLL FEINI PRAWF a rhoi sylwadau wrth bob un sy’n nodi sut y gwnaethoch eu bodloni.

Rhaid cwblhau’r datganiad cyn dechrau gwneud eich cais ar-lein oherwydd bydd yn rhaid i chi ei lanlwytho.  Wrth lanlwytho'r datganiad ategol mae angen i deitl y ddogfen ddarllen "datganiad ategol" a dylai hefyd nodi’r cyfeirnod 20918BR

Dyddiad cau: Dydd Llun, 20 Hydref 2025

Nid yw ceisiadau allanol yn cael eu hystyried ar gyfer y swydd hon ar hyn o bryd.  Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Rydym yn credu y gallwn wneud hyn drwy ddenu, datblygu a chadw ystod amrywiol o staff o lawer o wahanol gefndiroedd sydd â’r uchelgais i greu prifysgol sy’n ceisio cyflawni ei rhwymedigaeth gymdeithasol, ddiwylliannol ac economaidd i Gaerdydd, Cymru, a’r byd.  Er mwyn helpu ein haelodau o’r staff i gynnal cydbwysedd rhwng eu gwaith a’u bywyd personol, byddwn hefyd yn ystyried cynigion i weithio’n hyblyg neu i rannu’r swydd.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Cynorthwyo'r Rheolwr Cymorth Adeiladau i gynnig gwasanaeth blaen y tŷ / gwasanaeth Rheoli Cyfleusterau (FM) sy'n canolbwyntio ar y cwsmer, i bob cwsmer (mewnol ac allanol), ar gyfer parth diffiniedig o adeiladau.

Dyletswyddau a Chyfrifoldebau

Prif Ddyletswyddau

• Cynorthwyo'r Rheolwr Cymorth Adeiladau drwy oruchwylio gweithrediad y Tîm Cymorth Adeiladau o ddydd i ddydd gan gynnwys dyrannu tasgau gwaith, cynhyrchu amserlenni gwaith, monitro cyflenwi dros wyliau / trefniadau gweithio, sicrhau digon o gyflenwi hyblyg er mwyn cynnig gwasanaethau di-dor i gyflawni gofynion busnes sy’n newidiol.
• Bod yn rhan o’r gwaith sy’n ymwneud â recriwtio a chyfnodau prawf, gwerthuso blynyddol a gofynion datblygu staff, gan roi hyfforddiant a chefnogaeth i aelodau'r tîm lle bo angen.
• Dirprwyo ar gyfer y Rheolwr Cymorth Adeiladau.
• Cydweithio â phobl eraill i argymell ffyrdd o fireinio prosesau a gweithdrefnau cyfredol.
• Ymdrin ag ystod o ymholiadau gan gwsmeriaid mewnol ac allanol mewn modd proffesiynol, gan ddeall eu gofynion ac addasu’r ymatebion yn unol â hynny.
• Sefydlu perthynas waith sy'n canolbwyntio ar gwsmeriaid â chysylltiadau allweddol i wella lefelau gwasanaeth yn barhaus, gan ddatblygu cysylltiadau cyfathrebu hynod effeithiol gydag Ysgolion / Gwasanaethau Proffesiynol y Brifysgol yn ôl yr angen.
• Cydlynu a/neu gwblhau ystod o dasgau arferol i fodloni gofynion gweithredol a gofynion o ran gwasanaeth i gwsmeriaid.
• Ymgymryd ag amrywiaeth o ddyletswyddau gweinyddol i gefnogi'r tîm a'r adran
• Casglu a dadansoddi data er mwyn diweddaru systemau gweinyddol â gwybodaeth gywir, gan nodi tueddiadau a phatrymau sylfaenol mewn unrhyw ddata a gyflwynir.
• Cyfrannu at lwyddiant y tîm ac arwain eraill drwy esiampl.
• Bod ag agwedd hyblyg tuag at batrymau ac oriau gweithio er mwyn bodloni gofynion busnes sy’n newidiol e.e. bod ar gael ar gyfer digwyddiadau y tu allan i oriau arferol.

Dyletswyddau Penodol

• Gweithio'n agos gyda'r Rheolwr Cymorth Adeiladu ac Arweinwyr Tîm Cymorth Adeiladu eraill, i roi cymorth traws-barthol a chyflenwi yn ôl yr angen, i sicrhau bod y tim ehangach yn cynnig gwasanaeth cyson, di-dor sy’n rhoi’r cwsmer yn gyntaf bob amser.
• Arwain teithiau o gwmpas yr adeiladau.
• Adolygu trefniadau cadw ystafelloedd drwy Resource Booker, cynllunio a threfnu gosod ystafelloedd yn ôl yr angen.
• Trefnu a hwyluso’r gwaith o baratoi / trefnu digwyddiadau a hwyluso hyn e.e. gosod ystafelloedd, gosod offer ac ailosod yn dilyn digwyddiadau.
• Cydlynu derbyn post a nwyddau, eu didoli a’u dosbarthu.
• Cydlynu agor a chloi adeiladau yn unol â’r gweithdrefnau sydd wedi'u dogfennu.
• Cefnogi'r Rheolwr Cyfleusterau i gydlynu rheoli allweddi / cardiau mynediad a chydlynu rheolaeth leol o ran rheoli mynediad, gan gysylltu â’r sawl sydd ynghlwm â’r adeiladau a gwasanaethau diogelwch i sicrhau bod adeiladau wedi'u diogelu'n effeithiol.
• Sicrhau bod gwirio / archwilio adeiladau yn digwydd yn rheolaidd yn fewnol ac yn allanol (i gynnwys archwiliadau sy’n golygu cerdded o gwmpas y mannau dan sylw a barnu sut ddiwyg sydd arnynt, gwiriadau ystafell ymolchi ac ati), rhoi gwybod i eraill am ganfyddiadau/materion, gweithredu ar unwaith lle bo angen (e.e. lle mae'r canfyddiadau o natur iechyd a diogelwch sylweddol).
• Adrodd ynghylch gwaith cynnal a chadw, logio hyn a’i fonitro a chysylltu â chydweithwyr yn Adran Ystadau Gweithrediadau a / neu Ysbyty Athrofaol Cymru (UHW) ar gyfer materion cynnal a chadw adeiladau / cadw tŷ gan gynnwys:
  • Gwaith cynnal a chadw ymatebol,
  • Gwaith cynnal a chadw ataliol wedi’i gynllunio,
  • Glanhau,
  • Rheoli Gwastraff.

31,236

Gradd 4

28,031

Stadau

Dyletswyddau Penodol (parhau)

• Cydlynu, goruchwylio a / neu ymgymryd â thasgau trin â llaw gan geisio cymorth gan y tîm Trin â Llaw canolog yn ôl yr angen, e.e.:

• Gosod / ailosod ystafelloedd seminar / addysgu / cyfarfod,
• Cael gwared ar ddodrefn, offer, gwastraff/ailgylchu
• Derbyn a dosbarthu danfoniadau.

• Ymateb i larymau panig, lladron, eraill (nid tân) yn unol â chyfarwyddiadau.
• Hysbysu Gwasanaethau Diogelwch y Brifysgol am ddigwyddiadau diogelwch a chysylltu ynghylch unrhyw gamau dilynol.
• Cysylltu â'r tîm Gwasanaethau Teithio, Cludiant a Pharcio ynghylch rheoli parcio ac unrhyw faterion sy’n codi.
• Cefnogi'r Rheolwr Cymorth Adeiladau i ddatblygu a chynnal lefelau gwasanaeth.
• Hwyluso meithrin cyfarfodydd grŵp defnyddwyr, cymryd cofnodion a chyfrannu at eitemau ar yr agenda yn ôl yr angen.
• Cynorthwyo’r Gwasanaethau Derbynfa Adeiladau yn ôl yr angen, a chyflenwi ar eu cyfer yn ôl yr angen hefyd.
• Cyfrannu at adolygu’r gwaith rheoli adeiladau’n weithredol a’r ddogfennaeth, prosesau a gweithdrefnau Iechyd, Diogelwch a'r Amgylchedd, yn rheolaidd.
• Ymgymryd â dyletswyddau wardeiniaid tân a chefnogi Gwasanaethau Diogelwch o ran gwacáu safleoedd / driliau sydd wedi’u cynllunio o flaen llaw.
• Cydlynu profion pwynt galw larwm tân wythnosol.
• Cefnogi'r Rheolwr Cymorth Adeiladau i gyflawni amcanion y tîm.
• Cydlynu cefnogaeth y tîm mewn digwyddiadau prifysgol (e.e. ymrestru, graddio, diwrnodau agored) yn ôl yr angen.

Dyletswyddau Cyffredinol

• Gweinyddu cymorth cyntaf (darperir hyfforddiant).
• Sicrhau eich bod yn deall pwysigrwydd cyfrinachedd wrth ymgymryd â phob dyletswydd
• Cadw at bolisïau’r Brifysgol mewn perthynas ag Iechyd a Diogelwch a Chydraddoldeb ac Amrywiaeth

• Cyflawni dyletswyddau eraill o bryd i'w gilydd sydd heb eu crybwyll uchod ond sy’n cyd-fynd â'r swydd

Gwybodaeth Ychwanegol
Ar adegau, bydd angen gweithio y tu allan i oriau gwaith arferol (gan gynnwys gyda'r nos ac ar benwythnosau) i gyflawni gofynion gwasanaethau / gweithredol a chynorthwyo â’r rhain.  Bydd gofyn ichi weithio oriau hyblyg yn y swydd hon.

Cymorth Gweinyddol