Research Fellow bei Cardiff University

Cymrawd Ymchwil (Bioleg)
Ysgol y Biowyddorau

Mae’r Sefydliad Darganfod Meddyginiaethau yn fuddsoddiad mawr mewn gwyddoniaeth drosiadol gan Brifysgol Caerdydd. Nod y Sefydliad yw trosi ymchwil sy'n arwain y byd ar ddealltwriaeth wyddonol o fecanweithiau clefydau yn ddulliau therapiwtig arloesol. Ein gweledigaeth yw chwarae rhan flaenllaw wrth ddarganfod meddyginiaethau newydd mewn meysydd gyda’r mwya o angen, gyda phwyslais arbennig ar niwrowyddoniaeth, iechyd meddwl, a chanser. Rydym yn creu cymuned fywiog o ymchwilwyr ar draws y sectorau academaidd a biotechnoleg sy’n ymwneud â rhaglenni ymchwil mawr sy’n adeiladu ar gryfderau unigryw Prifysgol Caerdydd ac yn gweithio ar y cyd â phrifysgolion a chwmnïau eraill ledled Cymru ac yn rhyngwladol.

Mae'r Sefydliad Darganfod Meddyginiaethau yn edrych i ddenu Biolegydd Celloedd Cancr profiadol i gefnogi datblygiad portffolio o brosiectau darganfod cyffuriau. Ariennir y prosiect gan Ganolfan Ymchwil Cancr Cymru ac mae’n llawn amser am 3 mlynedd. Bydd gan yr ymgeisydd llwyddiannus brofiad gyda datblygu cyffuriau cancr, bioleg gyfrifiadol, data proteomig a thrawsgrifio, gweithio gyda celloedd o gleifion ac anifeiliaid, dulliau bioleg celloedd cancr a gwerthuso targedau cancr fel rhan cynnar o’r broses o ddarganfod cyffuriau.

Bydd deiliad y rôl ac arweinydd y prosiect yn cydlynu gweithgareddau allanol a mewnol i sicrhau bod y prosiect yn cyflawni ei gerrig milltir a cytunwyd arnynt ymlaen llaw. Bydd deiliad y swydd yn cydlynu gweithgareddau allanol, gan gynnwys rheoli gweithgareddau cefnogi bioleg gyda cwmniau allanol. Bydd y deiliad yn hollbwysig wrth ddewis, llunio a llywio’r prosiectau a bydd yn cyfrannu’n gryf at sicrhau grantiau allanol dilynol a buddsoddiad masnachol.

Bydd deiliad y swydd yn defnyddio ei wybodaeth a’i brofiad o egwyddorion adnabod targedau a dilysu targedau i ddylunio a chyflwyno arbrofion a fydd yn cynhyrchu’r pecynnau data sy’n hanfodol i gefnogi ceisiadau am arian allanol h.y. grantiau neu cyllid masnachol.

Bydd y swydd wedi'i lleoli ym Mhrifysgol Caerdydd a bydd yn rhan o dîm darganfod cyffuriau amlddisgyblaethol. Ar gyfer ymholiadau anffurfiol, cysylltwch â [email protected].

Mae’r swydd hon yn un amser llawn (35 awr yr wythnos), ar gael o 1 Mai 2025 ac am gyfnod penodol tan 30 Ebrill 2028.

Mae cyfleoedd am secondiad ar gael - sylwer ar gyfer aelodau staff Prifysgol Caerdydd sydd â diddordeb yn y swydd hon ar sail secondiad, bydd angen cael caniatâd eich Rheolwr Llinell presennol cyn gwneud cais.

Cyflog: £51,039 - £55,755 y flwyddyn (Gradd 7).

Dyddiad hysbysebu: Dydd Gwener, 29 Awst 2025
Dyddiad cau: Dydd Sul, 14 Medi 2025

Hysbysebwyd y swydd hon i weithwyr Prifysgol Caerdydd yn unig yn flaenorol.  Rydym nawr yn gwahodd ceisiadau allanol.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gellir gwneud hynny drwy ddenu, datblygu a chadw ystod amrywiol o staff o lawer o wahanol gefndiroedd.  Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oed.  Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy'n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo. Ceir rhagor o wybodaeth yma:  Asesu ymchwil yn gyfrifol - Ymchwil - Prifysgol Caerdydd

Prif swyddogaeth

Arwain neu weithio o fewn prosiectau ymchwil, i gyfrannu at gofnod ymchwil yr Ysgol drwy ymrwymo i gynnal gwaith ymchwil sy'n arwain at gyhoeddi gwaith ymchwil o safon uchel. Gwneud ymchwil ragorol ac ysbrydoli eraill i wneud yr un peth.

Prif Ddyletswyddau a Chyfrifoldebau

Ymchwil

• Datblygu amcanion ymchwil yn annibynnol i cefnogi datblygiad cyfres o prosiectau ymchwil i ddarganfod cyffuriau newydd ar gyfer cancr yn y faes bywydeg celloedd cancr, rhedeg prosiectau neu datblygu gynigion ar gyfer ymchwil annibynnol neu ar y cyd, gan gynnwys arian ymchwil, gan weithredu fel Prif Ymchwilydd yn ôl y gofyn. Datblygu rhwydweithiau ymchwil drwy gyflwyniadau seminar/cynadleddau cenedlaethol/rhyngwladol rheolaidd
• Cynhyrchu a mynd ar drywydd syniadau ymchwil annibynnol a gwreiddiol yn y maes ymchwil, a chefnogi gweithredu syniadau ymchwil newydd mewn meysydd perthnasol
• Rhannu canfyddiadau ymchwil drwy gynadleddau, cyfarfodydd, seminarau ymchwil a chyhoeddiadau cenedlaethol a rhyngwladol sy’n briodol ac yn effeithiol
• Datblygu a chreu rhwydweithiau’n fewnol ac yn allanol i’r Brifysgol, dylanwadu ar benderfyniadau, archwilio gofynion ymchwil yn y dyfodol a rhannu syniadau ymchwil er budd prosiectau ymchwil
• Goruchwylio a datblygu staff ymchwil eraill sy’n gweithio ar eu prosiectau ymchwil eu hunain
• Rhoi arweiniad i fyfyrwyr yn eu maes arbenigol eu hunain, gan gynnwys goruchwylio ac asesu prosiectau israddedig
• Cymryd rhan yng ngweithgareddau ymchwil yr Ysgol.

Arall

• Ymgysylltu’n effeithiol â sefydliadau diwydiannol, masnachol a sector cyhoeddus, sefydliadau proffesiynol, sefydliadau academaidd eraill ayyb, a hynny’n rhanbarthol ac yn genedlaethol i godi ymwybyddiaeth o broffil yr Ysgol, meithrin partneriaethau strategol gwerthfawr ac ymchwilio i gyfleoedd i gydweithio ar draws amrywiaeth o weithgareddau. Bydd disgwyl i’r gweithgareddau hyn gyfrannu at yr Ysgol a gwella ei phroffil rhanbarthol a chenedlaethol.
• Cymryd rhan yng ngweinyddiaeth a gweithgareddau'r Ysgol er mwyn hyrwyddo'r Ysgol a'i gwaith ar draws y Brifysgol a thu hwnt.
• Unrhyw ddyletswyddau eraill nad ydynt wedi eu cynnwys uchod, ond sy'n cyd-fynd â'r rôl.

55,755

Gradd 7

51,039

Academaidd- Ymchwil

Ymchwil