​​​​​​​Internal - Assistant Director - Digital Planning & Development en Cardiff University

Mae'r swydd hon ar agor i weithwyr Prifysgol Caerdydd yn unig ar hyn o bryd.  Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Ymgeiswyr Mewnol yn Unig - Cyfarwyddwr Cynorthwyol - Cynllunio a Darparu Digidol

Diben y swydd yw cynnig arweinyddiaeth strategol o ran sut mae’r Tîm Cynllunio a Chyflwyno Digidol yn datblygu, yn cyflawni ac yn gweithredu. Bydd deiliad y swydd yn gyfrifol am y canlynol yn Adran TG y Brifysgol:

• goruchwylio, cyflawni a chyfleu prosiectau a rhaglenni TG/digidol y cytunwyd arnynt a chefnogi’r rhai a fydd yn defnyddio’r hyn sy’n deillio ohonynt, gan gynnwys cyflawni’r Cynllun Digidol; cynllunio ariannol a rheoli cyllidebau’n effeithiol
• rheoli galw ac adnoddau
• cyfleu gweithgarwch adrannol yn effeithiol, ymgysylltu’n strategol â’r Colegau, yr Ysgolion a’r Gwasanaethau Proffesiynol (partneriaethau busnes)
• goruchwylio a rheoli risgiau adrannol, archwiliadau adrannol a chamau lliniaru

sicrhau bod gwasanaethau’n cael eu datblygu a’u darparu’n unol â nodau ac amcanion strategol y Brifysgol wrth sicrhau hefyd fod gwasanaethau ar gael, yn gynaliadwy, yn arloesol, yn ddiogel ac yn cynnig gwerth deniadol i’r Brifysgol.

Mae hon yn swydd amser llawn a phenagored.

Salary: £76,188 y flwyddyn (SENST)

Dyddiad cau: Dydd Gwener, 17 Hydref 2025

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gellir gwneud hynny drwy ddenu, datblygu a chadw ystod amrywiol o staff o lawer o wahanol gefndiroedd.  Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oed.  Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
 

Cysylltiadau Mewnol ac Allanol Mewnol Cyfarwyddwr TG – Rheolwr llinell Prif Swyddog Gweithrediadau Digidol a Gwybodaeth – Rheolwr llinell eilaidd Cyfarwyddwr Cyflawni’r Broses Drawsnewid Y Tîm Cyflawni’r Broses Drawsnewid (Swyddfa Rheoli Rhaglenni’r Brifysgol) – sicrhau bod prosesau newid yn cynnwys digon o siecbwyntiau sicrwydd pensaernïol Rheolwr Cyllid – cydweithio â’r Arweinydd Cyllid TG yn y Tîm Cyllid Canolog i sicrhau bod gan yr Adran yr ymwybyddiaeth ariannol i reoli’r cyllidebau a ddyrannwyd iddo a’i bod yn cael ei chefnogi i wneud hynny’n effeithiol Rhag Is-gangellorion y Colegau a Rhag Is-gangellorion thematig – rheoli ac ymgysylltu â rhanddeiliaid yn strategol ynghylch y gwasanaethau TG sy’n cael eu darparu ar eu cyfer Penaethiaid a Rheolwyr yr Ysgolion – rheoli ac ymgysylltu â rhanddeiliaid yn strategol ynghylch y gwasanaethau TG sy’n cael eu darparu ar eu cyfer Cofrestryddion y Colegau – rheoli ac ymgysylltu â rhanddeiliaid yn strategol ynghylch y gwasanaethau TG sy’n cael eu darparu ar eu cyfer Y Tîm Cyfathrebu a Marchnata – cyfathrebu â’r Brifysgol i rannu canlyniadau a manteision arfaethedig a gwirioneddol rhaglenni gwaith Adran TG y Brifysgol Cyfarwyddwyr eraill y Gwasanaethau Proffesiynol – rheoli ac ymgysylltu â rhanddeiliaid yn strategol ynghylch gwasanaethau sy’n cael eu darparu ganddynt ar hyn o bryd a’r gwasanaethau y byddant yn eu darparu yn y dyfodol, gan gynnwys y gwasanaethau TG sydd eu hangen nawr ac yn y dyfodol i gefnogi’r rhain Uwch-reolwyr eraill y Gwasanaethau Proffesiynol ac Academyddion – ymwneud â grwpiau llywio a Byrddau amrywiol Swyddogion etholedig Undeb y Myfyrwyr – rheoli ac ymgysylltu â rhanddeiliaid yn strategol ynghylch y gwasanaethau TG sy’n cael eu darparu ar eu cyfer  Staff TG y Brifysgol – gweithio gydag arbenigwyr technegol ac ymarferwyr i sicrhau bod gwasanaethau TG yn effeithiol ac yn effeithlon o ran diwallu anghenion y Brifysgol Allanol RUGIT – ymwneud â fforwm Rheoli Gwasanaethau Grŵp Russell HEWIT – cynrychioli Prifysgol Caerdydd yn y fforwm Cyfarwyddwyr TG ym Myd Addysg Uwch yng Nghymru Cyflenwyr a Phartneriaid Technoleg Strategol – dethol darparwyr technoleg yn strategol a rheoli perthynas y Brifysgol â hwy

71,209+

Proffesswrol

71,209+

Technoleg Gwybodaeth

Prif Gyfrifoldebau

1. Arwain, ysgogi a rheoli perfformiad y Tîm Cynllunio a Chyflwyno Digidol i ddarparu gwasanaeth proffesiynol o ansawdd uchel sy’n canolbwyntio ar y cwsmer ac sy’n gweithio’n unol â therfynau a safonau y cytunwyd arnynt
2. Sicrhau bod y Tîm Cynllunio a Chyflwyno Digidol yn gallu defnyddio adnoddau priodol (caledwedd, meddalwedd ac adnoddau dynol) i’w alluogi i gyflawni ei swyddogaethau, gan wneud yn siŵr bod yr adnoddau’n cael eu sicrhau a’u defnyddio drwy ddull ariannol optimaidd a chynaliadwy
3. Adolygu’r gwasanaethau sy’n cael eu darparu ar gyfer cwsmeriaid yn barhaus i sicrhau eu bod yn cael eu darparu’n unol â’r gofynion a’r lefelau gwasanaeth y cytunwyd arnynt, gan ymgysylltu â rhanddeiliaid a chyflwyno adroddiadau i randdeiliaid ar wasanaethau a phrosesau gwell yn ôl yr angen; Defnyddio data ac adborth i wthio ymdrechion i wella’n barhaus yn eu blaen, gan addasu strategaethau a mentrau yn ôl yr angen
4. Datblygu rhwydwaith o ddylanwad ar y cyd â’r Uwch-dîm Arwain, Tîm Arwain y Gwasanaethau Proffesiynol a chydweithwyr mewn swyddi cyfatebol yn y Brifysgol a’r tu allan iddi
5. Rheoli a chynnal ymrwymiad i hyrwyddo a gwneud gwaith cyd-greu gyda grwpiau cwsmeriaid a rhanddeiliaid allweddol i ddod o hyd i atebion effeithiol
6. Cynrychioli’r gwasanaethau TG a’r Brifysgol mewn fforymau priodol (gan gynnwys fforymau mewnol, allanol, cenedlaethol a rhyngwladol) a dirprwyo ar ran uwch-gydweithwyr yn ôl yr angen; Cysylltu â chyrff proffesiynol a rheoleiddwyr priodol sy’n ymwneud â materion TG fel sy’n briodol
7. Cydweithio â'r Prif Swyddog Gweithrediadau Digidol a Gwybodaeth a Chyfarwyddwyr eraill i ddatblygu a chynnal cysylltiadau â phartneriaid a chyflenwyr technoleg allweddol, gan gynnwys trafod telerau contractau mawr sy’n ymwneud â thechnoleg a/neu ddatrys anghydfodau
8. Dirprwyo ar ran y Cyfarwyddwr TG a chyflawni dyletswyddau eraill o bryd i’w gilydd sy’n gyson â natur y swydd ar gais y Cyfarwyddwr TG neu’r Prif Swyddog Gweithrediadau Digidol a Gwybodaeth

Dimensiynau: Nifer y cyflogeion sy'n adrodd i ddeiliad y swydd hon: tua 30 (5 yn adrodd yn uniongyrchol)

Yn atebol am gyllideb staff flynyddol o tua £2.5 miliwn

Yn atebol ar y cyd â holl Gyfarwyddwyr TG y Brifysgol am gyllideb gyfalaf flynyddol o tua £2 miliwn, cyllideb gylchol o tua £7.5 miliwn a chyllideb y Brifysgol ar gyfer meddalwedd o £3.8 miliwn
Rheoli galw ac adnoddau; cynllunio ariannol; rheoli partneriaethau busnes; rheoli prosiectau TG ar gyfer gwasanaeth TG y Brifysgol gyfan sy’n sicrhau bod mwy na 300 o adeiladau’r Brifysgol yn gallu cysylltu â’r rhyngrwyd a gweld data; 125,000 o ddyfeisiau wedi’u cofrestru ar y rhwydwaith; tua 1,000 o weinyddion; capasiti storio ffeiliau o 200TB; 400+ o fannau addysgu; 1,000 o gyfrifiaduron bwrdd gwaith mynediad agored at ddefnydd y myfyrwyr; sylfaen cwsmeriaid mewnol o tua 35,000 o fyfyrwyr a 9,000 o staff

Y rhai sy’n adrodd yn uniongyrchol i ddeiliad y swydd:
Uwch-reolwr – Llywodraethu a Sicrwydd
Arweinydd Digidol
Arweinydd y Portffolio TG
Prif Bartner Busnes TG
Rheolwr Cyflenwyr
 

Staff Hŷn

Gwybodaeth, Sgiliau a Phrofiad Angenrheidiol

Manyleb yr Unigolyn

Gradd berthnasol neu gymhwyster proffesiynol, ynghyd â phrofiad priodol o weithio mewn swydd debyg a thystiolaeth o ddiweddaru sgiliau’n rheolaidd; Yn ddelfrydol, profiad o sicrhau newid drwy fethodoleg strwythuredig megis Prince, MSP neu fframweithiau tebyg

Y gallu i ddangos gwybodaeth eang am bob agwedd ar TG, gan gynnwys llywodraethu TG, cefnogi a datblygu technoleg a rheoli gwasanaethau (ITIL)
Profiad sylweddol o reoli TG ar lefel uwch, ynghyd â hanes o arloesi, cyflawni a llwyddo mewn sefydliad o faint a chymhlethdod tebyg; Yn ddelfrydol, profiad o weithio mewn sefydliad addysg uwch

Hanes profedig o ddatblygu a chyflawni strategaethau TG a chynlluniau gweithredu

Gwybodaeth broffesiynol uwch a chyfredol am reoli TG a phrofiad o greu diwylliant TG perfformiad uchel yn y sefydliad

Gweledigaeth a dealltwriaeth o'r ffactorau sy’n rheoli technoleg a fydd yn dylanwadu ar y gwaith o ddatblygu gwasanaethau TG yn y dyfodol a sut y gall hyn ychwanegu gwerth at anghenion ac arferion newidiol ymchwil, dysgu ac addysgu a gwasanaethau cymorth y Brifysgol

Tystiolaeth gref o'r gallu i reoli adnoddau (ariannol ac anariannol) yn effeithiol ac asesu a rheoli risgiau
Nodweddion Personol

Yn feddyliwr strategol ac yn arweinydd arloesol, a hefyd yn rheolwr gweithredol profiadol

Yn meddu ar sgiliau rhyngbersonol aeddfed ac yn gallu dangos y gallu i ymdrin â rhanddeiliaid yn effeithiol iawn, gan gydweithio ac ymgysylltu â chydweithwyr ar lefel uwch

Yn gyfforddus wrth ymdrin â’r rhanddeiliaid uchaf yn fewnol ac yn allanol mewn ffordd gyfartal

Yn fedrus wrth gyfathrebu ar lafar ac yn ysgrifenedig

Yn dangos gwrthrychedd a didueddrwydd; Yn fedrus wrth ddadansoddi a datrys problemau drwy feddwl yn glir, rhoi sylw i fanylion, arsylwi, gwrando a dyfalbarhau

Yn canolbwyntio ar faterion strategol allweddol; Yn defnyddio barn bragmatig wrth roi rheolau ar waith; Yn meddu ar wybodaeth eang am dechnegau ac arferion cyfredol sy'n gysylltiedig â swydd ar lefel Cyfarwyddwr TG

Yn deall y prif faterion sy'n wynebu TG a’r gwaith o reoli’r sefydliad mewn cyd-destun masnachol, yn enwedig ym maes strategaeth systemau a pholisïau; Yn gallu dylanwadu drwy fod yn argyhoeddiadol ar y lefel uchaf mewn cyfarfodydd ffurfiol ac anffurfiol fel ei gilydd

Yn hyrwyddo codau ymddygiad a moeseg proffesiynol

Yn fuddsoddwr naturiol mewn pobl a thimau sy’n gallu cymell ac ymestyn perfformiad; Yn dangos ymrwymiad i ddatblygiad proffesiynol parhaus

Yn gallu ysgogi a sicrhau newid

Yn wydn ac yn gallu blaenoriaethu a gweithio'n dda, gan gynnwys bod yn hyblyg o dan bwysau

​​​​​​​Y gallu i sefydlu cysylltiadau gwerthfawr sy'n meithrin llwyddiant yn y sefydliad a'r tu allan iddo